لاہور(آن لائن )پاکستان کرکٹ بورڈ( پی سی بی) نے پاکستان اور ویسٹ انڈیز کے درمیان 3 ون ڈے میچز کی سیریزراولپنڈی سے ملتان کرکٹ سٹیدیم منقل کر دی ۔
نجی ٹی وی “جیو نیوز “کے مطابق دونوں ٹیموں کے مابین سیریزکے میچز 8، 10 اور 12 جون کو ملتان کرکٹ اسٹیڈیم میں کھیلے جائیں گے،دونوں ٹیموں کے مابین سیریز میں شامل تینوں میچز آئی سی سی مینز کرکٹ ورلڈکپ سپر لیگ کا حصہ ہیں ،یہ تینوں میچز شام 4 بجے شروع ہوں گے۔
پی سی بی کا کہنا ہے کہ سیریز کے لیے قومی کرکٹ سکواڈ کا تربیتی کیمپ یکم سے 4 جون تک نیشنل ہائی پرفارمنس سینٹر لاہور میں جاری رہے گا جس کے بعد قومی سکواڈ پانچ جون کو ملتان روانہ ہوجائے گا۔دوسری جانب مہمان ٹیم کا سکواڈ 6 جون کواسلام آباد پہنچے گا، جہاں سے وہ بذریعہ چارٹرڈ طیارہ ملتان روانہ ہوگا۔
